Comunu de Fordongianus

Cerca nel sito con Google:

Contatta il Comune

contatta il comune

S’Istòria

A Fordongianus ddu connoscint in totue ca, intra làcanas de su Territóriu cosa sua, due sunt is Termas Romanas e medas gavas de una genia de trachite colorida e de présiu. Sa bidda, (chi si agatat 26 m asua de su mari), est pesada in unu paris de perda trachite, faci de una camba de arriu de su Tirsu.

Su paris inue si pesat sa bidda de Fordongianus

u parcu faci de su Riu Tirsu

Is orìgines

Su númene de Fordongianus nde benit de su latinu " Forum Traiani", citade de su Imperadori Traianu, ma sa bidda est ancora prus antiga, difatis si agatant in totue domus de janas e nuraghes e intra custos calecunu, comente Casteddu Becciu, impreau fintzes apustis.

S’ època romana

Est in època de is romanus chi Fordongianus benit a essi unu logu de importu mannu, mascamente po is abbas de is termas e po su podere chi teniant is gherreras "Civitates Barbariae". A testimóngiu de custu abbarrant is termas.

Is Termas

Su primu fràigu de is termas chi ddu ait fatu pesare su imperadori TRAIANU, in su I sec. A.C. isfrutende s’abba chi bessiat callente ( a 54°) de unu logu tzerriau Caddas.

S’ acua callenti de is termas

Intra de su fràigu imponenti chi si agatat ancora, est allogada una barsa manna, sa natatio, chi aprimu fuit ammuntada, (comenti si biet ancora ), cun bòvida a carrada e inghiriada cun una lolla fata arcus arcus.

Is Arcus de is termos romanas

Is Arcus de is termos romanas

Asua de custu fràigu antigu, chi aiant pesau apustis unu atru istabbilimentu, chi est de su III sec. A.C.

Is termas funt cumpostas de su "frigidarium" po fàiri bagnos fritos, de su "tepidarium" po fàiri bagnos tébidos e de su "calidàrium" po fàiri bagnos callentis.

Colau chi ci fuit su tempus de su Imperu Romanu, in su 534, benit istituia sa sea de su Dux, su cumandanti mannu de is milìzias bizantinas e po unu pagu de tempus Fordongianus pigat su númene de Chrisopolis "tzitade de s' oru" ca ci fiant allogada sa càssia de oru po is pagas de is milizias.

Sa Bidda

Sa bidda de Fordongianus tenet una bisura colorida, ca medas domos funt fraigadas cun sa perda ruja de logu, traballada de is picaperderis.

In sa "capitali" de sa trachite, custa perda est una arrichesa manna de traballu e de cultura, ca ci sunt is gavas e is butegas, in ue is picaperderis traballant cun facilidadi custa perde modde, e ca dogna annu, de s' istadiali de su 1990, in su mesi de tríulas e austu, giat acatu a unu cuncursu de iscurtura, chi est diventau unu atóbiu de meda importu po is artistas de totu su mundu .

S' abbilesa de is picaperderis si biet in meda domus de su 600, comenti "sa domo Aragonesa" chi portat su fràigu de trachite ruja e is contones picaos in fatura goticu- Catalana.

Sa domo Aragunesa

 | Ufìtziu Limba sarda  | Mapa de su sito  | Acessibilidade | Notas legales  | atòbia su comunu | Credits |